A aposta firme de Tecnópole polas actividades de divulgación científica de calidade está avalada polas Aulas Tecnópole, STEAM Kids Tecnópole, T2W, Galiciencia e Ciencia e Tecnoloxía en feminino, cinco actividades de divulgación dirixidas a mozos/as de toda Galicia co obxectivo claro de promover as vocacións científicas entre os máis novos.

  • Vocacións

    Favorecer as vocacións investigadoras e de emprendemento innovador entre a xuventude.

  • Creatividade e Innovación

    Potenciar o intercambio de experiencias creativas e innovadoras entre os mozos e mozas.

  • Motivación

    Aumentar a interacción entre o mundo científico e a xuventude.

Contidos

No Campamento tecnolóxico de Tecnópole búscase dar ao alumnado galego a oportunidade de mellorar os seus coñecementos científicos e tecnolóxicos dun xeito totalmente práctico e experimental, realizando unha chea de actividades innovadoras deseñadas por especialistas en educación STEAM que lles permitirán complementar os coñecementos académicos e mergullarse no mundo da investigación e o prototipado desenvolvendo o seu propio proxecto.

 
 

Actividades


Entre outras actividades, destácanse: iniciación á programación e robótica, construción de foguetes de auga, mundos 3D, retos STEAM, iniciación a microbit, experimentos e prácticas de laboratorio.

Metodoloxía

A metodoloxía que se segue é innovadora e práctica, de forma que permita o máximo aproveitamento por parte do alumnado, e sexa altamente motivadora. Non se ofrece unha formación de contidos clásica, trátase dun campamento tecnolóxico presencial, no que o alumnado traballará con diferentes materiais tecnolóxicos e científicos. Tamén haberá tempo de lecer durante as tardes que acudirán ás piscinas de Tecnópole, a entrada está incluída no prezo da matrícula.

Os obxectivos que se perseguen consisten no desenvolvemento da capacidade resolutiva e innovadora e na dinamización da axilidade mental e da creatividade. Ademais de procurar que o alumnado adquira novos coñecementos científicos e tecnolóxicos, preténdese potenciar neles actitudes como a curiosidade e o espírito emprendedor, entre outras.

Comidas

Se es alérxico a algo pregámosche que o indiques na autorización paterna/materna.

Transporte

Transporte incluído dende varios puntos da cidade de Ourense.